Bøkur
Á bókadøgum Lille Bogdag í Den Frie Udstillingsbygning í Keypmannahavn 3.-4. juni, leggur forlagið Torgard fram tvær nýggjar danskar týðingar av føroyskum skaldaverkum, “I Afrika er der mange søde børn” (Aftanáðrenn - Sprotin, 2016) eftir Katrina Ottarsdóttir og “Søndagsland” (Sunnudagsland - Mentunargrunnur Studentafelagsins, 2016) eftir Sissal Kampmann.
Báðar høvundurnar fara at lesa upp á felagspallinum á bókadøgunum. Katrin lesur upp leygardagin 3. juni millum kl. 16 og 17, og Sissal lesur upp og prátar við Flemming Andersen um yrkingarnar sunnudagin 4. juni kl. 15.
Bøkurnar koma í bókahandlarnar seinnu helvt av juni.
Um tú veitst okkurt, sum VP ikki veit - skriva so til vp@vp.fo
